Ўзбекистонлик талабалар Витебск ветеринария академиясида таҳсил олади

Avgust 1, 2019 by · Leave a Comment
Filed under: Bo'limsiz 

Ўзбекистонлик талабалар Витебск давлат ветеринария медицинаси академиясида иккита мутахассислик бўйича таҳсил олади. Бу ҳақда академия вакили Дмитрий Федотов маълум қилди.

Лойиҳа июль ойи бошида Самарқанд ветеринария медицинаси институти ва Витебск давлат ветеринария медицинаси академияси ўртасида тузилган шартномага мувофиқ амалга оширилади.

Шартномага асосан, Витебск давлат ветеринария медицинаси академиясида университетлараро факультет ташкил этилди. Мазкур факультетда ҳар йили ўзбекистонлик 20 талаба таҳсил олади, улар уч йил Самарқандда, икки йил Витебскда ўқишади.

Бундан ташқари, Самарқанд ва Витебскда магистратура йўналишида қўшма таълимни ташкил этиш масаласи кўриб чиқилмоқда.

 

Шерзод Шерматов: Мактабларда бўш жой қолсагина қўшимча квота билан қабул бўлади

Iyun 16, 2019 by · Leave a Comment
Filed under: Bo'limsiz 

Халқ таълими вазири Шерзод Шерматов фейсбукдаги саҳифасида мактабларда биринчи синфга қабулнинг янги тизими жорий этилиши муносабати билан яна бир пост қолдирди.

Унинг сўзларига кўра, Тошкентда ўз ҳудудидаги мактабларда жой қолмагани учун бошқа мактабларда ўқишга мажбур бўлган болалар сони 28 мингдан ортиқни ташкил қилмоқда.

«Тошкентдаги 81та талабгир мактабларнинг микроҳудудида яшайдиган, лекин ўзининг мактабига кира олмай бошқа мактабларда ўқишга мажбур бўлиб келаётган ўқувчиларнинг сони ҳозирги кунда 28 мингдан ортиқ экан!

Уларнинг ушбу мактабларга кира олмагани сабаби шу вақтгача бу мактабларга асосан бошқа микроҳудудлардан таниш-билиш орқали болалар қабул қилиниб, уларга жой етмай қолганидир…

Янги тизим айнан шундай болаларга қулайлик яратади, ўзининг микроҳудудидаги мактабга таниш-билишсиз, бепул кира олади (аввал бунинг имкони йўқ эди!). Бирор бола микроҳудуддан қамраб олинмасдан қолиши мумкин эмас.

Аввал шу мактаблар микроҳудуди тўлиқ қамраб олинади, ундан кейин агар жой қолсагина қўшимча квота бўйича олиш мумкин бўлади», дея ёзган вазир.

Шерзод Шерматов – мактабга пулли қабул бўйича янги тартиб ва коррупция ҳақида

Вазирлар Маҳкамасининг «Болаларни давлат умумий ўрта таълим муассасаларига қабул қилиш бўйича давлат хизматлари кўрсатишнинг маъмурий регламентини тасдиқлаш тўғрисида»ги қарори асосида 2019/2020 йилги ўқув йилида Тошкентдаги 81та мактабга қабул Давлат хизматлари марказлари ёки Ягона интерактив давлат хизматлари портали орқали амалга оширилади. Келгусида бундай тартиб бутун республика бўйича татбиқ этилиши режалаштирилган.

Бу тартибга кўра, мактабларга қабул квотаси асосий ва қўшимча квота турларига ажратилади — асосий квота ва пулли квота.

Қўшимча квота — умумтаълим муассасаларининг имкониятидан келиб чиқиб, микроҳудуддан ташқарида истиқомат қилаётган мактаб ёшидаги, микроҳудуд ва микроҳудуддан ташқари мактаб ёшига етмаган (тегишли йилнинг 1 сентябрига қадар 6 ёшга тўладиган), шунингдек, умумтаълим муассасаларида таълим бериш тили бўйича бошланғич билим (мулоқот қилиш) кўникмасига эга бўлмаган болалар учун ажратилади. Қўшимча квота учун энг кам иш ҳақининг 10 бараваридан кам бўлмаган миқдорда бир марталик тўлов пули тўланади, яъни ота-она фарзандини ўз микроҳудудидаги эмас, бошқа ерда жойлашган мактабда ўқишини истаса, ана шу миқдордаги пулни тўлайди. Қўшимча квоталарни олиш кузатув кенгашлари томонидан муҳокамага киритилади. Ҳар бир синфда болалар сони 35 нафардан ошмаслиги лозим.

Президентнинг 5та муҳим ташаббуси доирасида Сўх туманида қандай ишлар амалга оширилди?

Aprel 27, 2019 by · Leave a Comment
Filed under: Bo'limsiz 

Республикамизнинг энг чекка гўшаси – Фарғона вилоятининг Сўх туманида ҳам бугун катта ислоҳотлар, янгиланишлар амалга оширилмоқда.

Туманда 10та замонавий иншоот ва аҳолига маиший хизмат кўрсатиш шохобчалари фойдаланишга топширилди. Қувонарлиси шундаки, ушбу иншоотларнинг барчаси Сўхлик тадбиркорлар томонидан қурилган ва шу билан бирга, туманда аҳолини, айниқса хотин-қизларни иш билан таъминлашда ҳам катта аҳамият касб этади.

Туманнинг Сариканда маҳалла фуқаролар йиғинида тадбиркор Фурқатжон Домуллоев томонидан уч қаватли замонавий иншоот қурилиб, фойдаланишга топширилди. Бинонинг асосий қисмида фитнес-зал жойлашган бўлиб, ёшларнинг спорт билан шуғулланиши учун кенг имкониятлар яратилинди. Ушбу иншоот қуриб битказилишида Агробанк томонидан 200 млн. сўм миқдорида имтиёзли маблағлар ажратилди.

Шунингдек, мазкур қарор асосида туманнинг энг чекка – Ҳушёр маҳалла фуқаролар йиғинида фаолият юритадиган ЯТТ Гулзора Мўъминовага 60 миллион сўм миқдорида имтиёзли маблағлар ажратиш орқали, маҳаллада жойлашган бўш бинода тикувчилик цехини очишга муваффақ бўлинди ва бугунги кунда 40 нафар хотин қизлар ўзларининг доимий иш жойларига эга бўлдилар.

Туманнинг Обишир маҳалла фуқаролар йиғинида фаолият юритаётган якка тартибдаги тадбиркор Санобар Тожибоевага мазкур қарор доирасида Халқ банки томонидан 30 миллион сўм миқдоридаги имтиёзли маблағлар ажратилиб, маҳаллада тикувчилик цехи фаолияти йўлга қўйилди ва эндиликда ушбу цехда 20 нафар хотин-қизларнинг бандлиги таъминланди.

Шу ўринда шуни таъкидлаш лозимки, Республикамизнинг чекка ҳудудларидан бири ҳисобланган Сўх туманининг марказида ҳозирда 6та ижтимоий соҳа иншоотлари ташкил этилиб, аҳоли учун фойдаланишга топширилди. Эндиликда туман марказида ташкил этилган «Сўх компьютер сервис» МЧЖ қошидаги янги кутубхона, ЯТТ Шаҳзод Назаров ташаббуси билан бунёд этилган интернет-кафе, Зафаржон Ғаниев томонидан ташкил этилган компьютер саводхонлиги маркази ва китоб савдо дўкони, Туман маданият бўлими қошида ташкил этилган «Алҳамбек» овоз ёзиш студияси ҳамда рассомчилик йўналишидаги янги замонавий санъат тўгараклари ҳам туман ёшларига катта совға бўлди.

Туманда яна бир кўркам ва ҳашаматли иншоот – туман «Ёшлар меҳнат гузари» ишга туширилди. Ушбу замонавий иншоот Тул маҳалла фуқаролар йиғинида фаолият юритаётган ёш тадбиркор Ҳ.Ҳайдаров томонидан қурилиб, фойдаланишга топширилди. Иншоот қурилишига салкам 5 миллиард сўм маблағ сарфланган. Ушбу иншоотларнинг фойдаланишга топширилиши катта байрамга айланиб кетди ва тантаналарда туман ҳокимлиги, вилоятдан келган меҳмонлар, Агробанк ва Халқ банки вилоят бошқарма бошлиқлари иштирок этишди.

Шуни алоҳида таъкидлаш лозимки, мазкур лойиҳаларнинг барчасини амалга оширишда вилоят ва туман ҳокимлиги, Агробанк, Халқ банки ва бошқа мутасадди ташкилотларнинг беқиёс ёрдамлари аҳамиятга молик.

Реклама ҳуқуқи асосида

“Йилнинг энг яхши фан ўқитувчиси – 2019” танловида онлайн рўйхатдан ўтиш якунланмоқда

Aprel 5, 2019 by · Leave a Comment
Filed under: Bo'limsiz 

Хабарингиз бор, жорий йилнинг 19 мартидан “Йилнинг энг яхши фан ўқитувчиси – 2019” танловида иштирок этиш учун онлайн рўйхатдан ўтиш бошланган эди. Шу кунга қадар танловда иштирок этиш мақсадида республика бўйича 85 минг нафардан ортиқ ўқитувчилар онлайн рўйхатдан ўтди. Эслатиб ўтамиз, рўйхатдан ўтиш 5 апрель куни соат 18:00 да тўхтатилади. Фаол ва ижодкор ўқитувчилар танловда иштирок этиш учун онлайн рўйхатдан ўтишни унутманг.

Танлов Низомига мувофиқ, 1-босқич халқ таълими туман (шаҳар) бўлимлари томонидан 3 та шарт асосида ўтказилади. Биринчи шарт – тест топшириғи. Иштирокчиларга танловда ўзи қатнашаётган фандан 20 та тест топшириғи берилади. Ҳар бир савол учун аниқ фанлардан 3 (уч), ижтимоий ва филология фанларидан 2 (икки) дақиқадан вақт берилади. Тўғри жавоб 2 (икки) баллдан баҳоланади, жами 40 (қирқ) баллни ташкил этади.

Эътиборли томони, танловни адолатли ўтказиш ва шаффофликни таъминлаш мақсадида тест топшириқлари онлайн тартибда, Республика таълим маркази томонидан тайёрланган материаллар асосида, ҳар бир туман (шаҳар)да белгиланган таълим муассасасининг компьютерларида тасдиқланган режа бўйича oнлайн тартибда ўтказилади.

Танлов иштирокчилари шуни инобатга олиши керакки, биринчи шарт натижаларига кўра 26 ва ундан юқори балл тўплаган ўқитувчиларгина иккинчи шартда қатнашиш ҳуқуқига эга бўлади.

Иккинчи шартда иштирокчилар томонидан қуръа ташлаш йўли билан танланган мавзу асосида дарс ишланмасини компьютерда ёзилади. Бу шарт учун 2 соат (120 дақиқа) вақт ажратилади.

Иккита шарт натижаларига кўра 40 ва ундан юқори балл тўплаган иштирокчиларгина учинчи шартда қатнашиш ҳуқуқига эга бўлади.

Учинчи шартда эса иштирокчилар иккинчи шартда ёзган дарс ишланмалари асосида  нотаниш синфда дарс машғулотини олиб боради. Дарс машғулоти ўтиладиган синфлар (параллел) қуръа ташлаш йўли билан аниқланади. Дарс машғулот ўтиш учун 45 дақиқа вақт берилади.

Шаффофликни таъминлаш учун танловда иштирокчилар томонидан ўтилган дарс машғулотларини видеотасвирга тушириш тавсия этилади.

Танловнинг биринчи босқичида учта шарт бўйича 76 балл ва ундан юқори кўрсаткич қайд этган иштирокчилар орасидан ҳар бир фандан энг юқори балл тўплаган бир нафардан 1-, 2-, 3-ўринни эгаллаган совриндорлар аниқланади.

Иштирокчиларнинг баллари тенг бўлиб қолган тақдирда, тегишли фан бўйича қўшимча 10 тадан тест саволлари бериш орқали ғолиб аниқланади. Ғолиб аниқлангунига қадар тест жараёни такрорий давом эттирилади. Бу эса танловда соғлом рақобатни янада кучайтиради.

Халқ таълими вазирлиги биринчи босқичга масъул ходимларни танловни адолатли ва шаффоф ўтказишга чақиради ҳамда барча иштирокчиларга омад тилайди!

Salom, Dunyo!

Aprel 4, 2019 by · 1 Comment
Filed under: Bo'limsiz 

Welcome to Сайты-сателлиты 2.0 . This is your first post. Edit or delete it, then start blogging!